西環海旁人氣咖啡店-Little Cove Espresso

上個weekend同朋友去咗西環嘅Little Cove Espresso，享受咗一個好悠閑嘅海邊brunch時光。因為呢間cafe喺西環好出名，而且又係週末，去到已經好多人排隊，建議早啲去就唔洗等咁耐😆 Little Cove Espresso 好近海邊，店內裝修簡約但溫暖，四周是以白色的牆，白色枱和木製椅子作設計理念。店前排的落地窗戶引入左好多自然光線，令環境十分光亮，感覺好精神同埋舒服，好適合坐低同朋友傾計、享受共聚嘅時光。 ～Flat white $40 佢哋嘅Flat white 賣相超靚，係少有嘅天鵝拉花🦢❤️ 咖啡香氣濃郁，而且口感細滑順口，質感同味道都好出色。咖啡嘅酸度同苦味好平衡，加埋一層滑嫩嘅拉花奶泡，令杯咖啡更加靚同正。 ～Ricotta Hotcakes $128 之後叫咗佢哋招牌菜之一 - Ricotta Hotcakes。熱辣辣嘅Pancake上枱時嚟已經傳來陣陣香味。綿密又鬆軟嘅Pancake上面淋左新鮮嘅熱情果果肉和少少楓糖漿, 旁邊鋪滿咗新鮮嘅水果(士多啤梨同藍莓)同埋堅果,榛子曲奇碎, 相貌超級靚! 食嘅時候, 水果, pancake等一齊食，會帶嚟好好味嘅口感同層次。呢道菜唔止賣相好靚，味道亦都好好，加埋咖啡一齊食好夾令人回味無窮呀😋 如果你有機會去到香港西環，推介去Little Cove Espresso試下，一邊享受海景一邊享受美食， 真係好Chill好正嘅體驗！menu 仲有好多美食可以試，下次一定要再去✅ 推介度：⭐️⭐️⭐️⭐️⭐️/5⭐️ 地址： 西環堅尼地城新海旁3-5號五福大廈地下3號舖 #咖啡 #拉花 #pancake #coffee #LittleCoveEspresso #cafe #西環 #海旁 #文青 #熱門菜式 #打卡 #chill #週末 #下次要再食